HOE OM TE BID

📖 Matteus 6:9 “…Ons Vader wat in die hemele is, laat u Naam geheilig word.”

🫵 Maak dit prakties met die ‘4 B’s Gebed’ aktiwiteit op bladsy 8 van ons nuwe werkboek.

Dit kan moeilik wees om te bid, maar dit hoef nie te wees nie. ‘n Briljante manier om te bid is die 4 B’s metode!

• Begin jou gebed en BEWONDER God. Prys Hom vir als wat Hy in jou lewe gedoen het en vir Sy grootheid. 
• Ons moet ook ons sondes aan God BELY en vir vergifnis vra. Nie net van God af nie, maar ook die vriende vir wie ons seermaak of verraai.
• Nou mag jy dalk na aan trane wees, maar hier kom die wonderlike deel: BEDANK. Ons kan vir God dankie sê vir alles wat ons van Hom ontvang en dat Hy vir Jesus, ons Redder, gestuur het.
• Laaste maar nie die minste nie: BEHOEFTE. Ons kan enige iets wat vir God verheerlik van Hom vra en Hy sal dit vir ons gee.

📌 Die 4 B’s is daar om jou te lei, dis nie ‘n rëel nie. Moenie bekommer nie, God sal nogsteeds jou gebed hoor as jy ‘n stap mis!

🙏 Gebed: Liewe Here Jesus, ek prys U vandag vir U goedheid en guns. Ek lê my ou sondige self by U voete neer. Here, ek bid dat U asseblief vandag my voete sal lei, my mond sal seel, en my gedagtes sal bewaar. Ek bid dit alles in die almagtige naam van Jesus, Amen. 

🔥 Uitdaging: Soek vandag die 4 B’s in jou lewe. Skryf dit neer op ‘n stukkie papier – selfs al is dit so klein soos ‘n toffie papiertjie.

(geskryf deur Damian Pinn)