Olyfberg

⏳Paasfees Tydlyn

So – Jesus gaan Jerusalem binne
Ma – Jesus gooi die verkopers uit
Di – Jesus debatteer in die Tempel
Wo – Jesus rus
Do – Jesus is gearresteer
Vry – Jesus se verhoor en kruisiging
Sa – Jesus in die graf
So – Jesus het opgestaan!

💭 Reflekteer
Na die Laaste Maal het Jesus na Sy gunsteling olyfboord gestap daar naby om te bid. Hy het dikwels so gemaak. Hierdie keer was Sy angs so erg dat Hy iets ervaar het wat dokters vandag hematohidrosis noem – wanneer jou sweet fisies in bloed verander van ekstreme spanning en angs. In die dae wat voor dit gekom het het Jesus sy arrestasie, verhoor, dood, en opstanding baie keer voorspel en nou het die tyd aangebreek…

📖 Lukas 22:53
Jesus: “Ek was daagliks saam met julle in die tempel, en tog het julle My nie gearresteer nie. Maar hierdie is nou júlle tyd, die tyd van die mag van die duisternis.”

❔ Vrae

– Het jy al ooit angs of ‘n paniek aanval ervaar in jou liggaam? Kan jy jou indink wat Jesus moes ervaar?

• Het Jesus iets verkeerd gedoen? Hoekom het hulle Hom arresteer?
• Sien jy hoe Jesus hulle toegelaat het om Hom te arresteer, asof dit die regte tyd was?
• Wat is die naam van die dissipel wat vir Jesus verraai het, wat gelei het tot Sy arrestering?

🙏 Praat met God
Jesus, toe U gebid het in daardie olyfboord het U seker  ______ gevoel. Ek het ook al daardie emosie gevoel toe ________. U het nooit ‘n enkele verkeerde ding gedoen nie, tog het hulle U nogsteeds _______. Dankie dat U gewillig na daai kruis toe gegaan het vir ________. Amen.

🎨 Reaksie
Skets ‘n olyftak en dink jou in hoe Jesus moes voel daardie aand.

🔥 Dink Dieper

Lees oor die arrestering: Lukas 22:39-46

• Jesus het Sy dissipels genooi om saam met Hom te bid: “Bid sodat julle nie aan versoeking toegee nie”. Lees 1 Korintiërs 10:13 en sien of jy die goue lyn kan vind.
• Jy onthou dalk hoe Petrus vir Jesus 3 keer verraai het voordat die hoender gekraai het (lees dit in Lukas 22:54-62) Maar het jy geweet dat Jesus ook vir Petrus ‘n kans gegee het om dinge reg te stel na Sy opstanding? (lees dit in Johannes 21:15-19)