📖 Matteus 5:9 “Gelukkig is die vredemakers, want hulle sal kinders van God genoem word.”
Sommige mense dra die vrede van God en hulle woorde is soos die soet smaak van heuning. Ander mense dra chaos rond oral waar hulle gaan. Hulle hou daarvan om nonsens te praat en ander mense sleg te sê. As ‘n kind van God moet jy ‘n vredemaker wees wat liefde bo die drama kies.
Niks hiervan kan bestaan sonder vrede tussen vriende nie. As iemand sleg van jou praat, draai dan die ander wang, want jy sal ‘n lewe volgens God se woord leef. God se vrede is vir almal en ook in oorvloed. God het ons almal geroep om vriende, familie en `n gemeenskap te wees. Om vrede aan mense rondom jou te toon, versterk jou geloof, aangesien dit God se liefde uitbeeld wat deur jou werk.
📌 Vrede toon God se liefde in jou—kies dit, leef dit, deel dit.
🙏 Gebed: Jesus, gaan vandag saam met my in elke stryd, beproewing en verdrukking wat oor my pad mag kom. Laat U vrede vandag deur my skyn, nie om my goed te laat lyk nie, maar om U te verheerlik. Amen.
🔥Uitdaging: Wanneer jy tussen ander loop en verkeerde dinge aanskou of jouself in ‘n moeilike situasie bevind, stop. Vra jouself af: “Wat sou Jesus doen?” en laat Sy voorbeeld jou reaksie lei. Kies vrede bo woede, liefde bo oordeel, en skyn Sy lig oral waar jy gaan.
(geskryf deur Damian Pinn)
