‘Want wie ag jou belangrik? En wat besit jy wat jy nie ontvang het nie? As jy dit dan ontvang het, waarom beroem jy jou daarop asof jy dit nie ontvang het nie?’ – 1 Korintiërs 4:7
Stel jou hierdie senario voor; Ek gee vir jou ‘n geskenk. Jy wonder hoekom ek dit doen, want ek is ‘n vreemdeling, dit is nie jou verjaarsdag nie en jy het ook nie iets gedoen wat beloon moet word nie. Nou wonder jy hoekom ek dit doen? Die antwoord is NEEM DIT NET.
DIT is hoe GOD werk.
Hy staan voor jou en wil hê jy moet die GESKENK van genade NEEM. Dit is nie iets wat jy kan verdien nie, en dit word ook nie net by spesiale geleenthede gegee nie. Dit is op jou voorstoep; jy moet net die besluit neem om dit te neem.
Moenie probeer om dit rasioneel te verduidelik nie, want jy kan GOD nie verduidelik nie en ook kan SY genade nie realisties verklaar word nie. Al wat jy moet weet is dat dit ‘n gawe is wat deur jou geloof oopgemaak word.
Jy kan nie genade uitbrei sonder geloof of glo sonder genade nie. Dit is soos asemhaal. In- en uitasem is ewe belangrik. Jy het die een saam met die ander een nodig.
Genade Is Verniet
Gebed: Hemelse Vader, help my asseblief om die gawe van genade te aanvaar. Help my om lief te hê soos U en genade te betoon teenoor ander mense soos U aan my genade bewys het. Ek is baie lief vir U, en ek dank U vir alles in my lewe. Ek word geseën net uit genade en deur geloof. In Jesus se naam, Amen.
Uitdaging: Gee vir iemand (dit moet ‘n vreemdeling wees) ‘n klein geskenkie en sê vir hulle dat dit is hoe God se genade werk, sonder ‘n verduideliking of rede, dit is net ‘n geskenk. Wanneer jy dit doen, sal jy die impak van genade op mense se lewens besef en hierdie konsep beter verstaan.
