“Laat ons dan nie moeg word om goed te doen nie, want as ons nie verslap nie, sal ons op die bestemde tyd ook die oes insamel. Solank ons die geleentheid het, moet ons dus aan almal goed doen, veral aan ons medegelowiges.” – Galasiërs 6:9-10
Ons is nie bedoel om ons pad as Christen alleen te stap nie want dis nie hoe Jesus dit gedoen het nie. Hy het twaalf vriende en reisgenote gehad! Ander mense bring die water en sonlig wat nodig is om ons versteekte sade in iets moois te laat uitspruit. Wanneer ons ons lewe op hierdie manier met ander mense deel, kan ons werklik ‘n verskil maak.
Jesus het Sy dissipels geleer dat “Om te gee, maak ‘n mens gelukkiger as om te ontvang” (Handelinge 20:35). Daar is ‘n bekende aanhaling wat sê: “Blom waar jy geplant is.” Hierdie gesegde impliseer dat jy ‘n verskil kan maak net waar jy is. Jy word geroep om sout en lig te wees (Matteus 5:13-16) in jou onmiddellike omgewing.
Jy is nêrens per ongeluk nie – God het jou binne ‘n gemeenskap geplaas wat bestem is om aan jou te voorsien wat nodig is vir jou geloof om te floreer. Al is dit soms moeilik om dit te sien te midde van al die uitdagings rondom ons, is dit so dat daar baie geleenthede is om ‘n verskil te maak waar ons is.
Blom Waar Jy Plant Is
Gebed: God, help my om te aanvaar waar U my geplaas het en nie altyd na iets anders of beter te verlang nie. Gee my U perspektief op my omstandighede sodat ek die verborge geleenthede kan sien wegkruip onder die uitdagings. Dankie dat ek weet ek is nie alleen nie. Amen.
Uitdaging: Hoe kan jy jou ingesteldheid verander om ‘n uitdaging as ‘n geleentheid te sien? Hoe kan jy blom waar jy vandag geplant word?
